اِلماسیا شی کِردن؟

https://shereno.com/48099/43441/630567.html

اِلماسیا شی کِردن؟

****

اِلماسیا شی کِردَن، هَمَنِه بیچارَه کِردن
شی کِردَن؟ هَمَنِه بیچارَه کِردن
شی کِردَن؟ هَمَنِه بیچارَه کِردن

اَ ای مُئن اَ او مُئن، اَ درُ و همسایَه مُوئن، اَ فامیلُ آشْنا موئن
چُو مِنازَن وِ خروار، هَمَنِه مَلَن سرِکار
دِ رو وِ رو خویی مُوئن دِ دُمِ سر چُو
مِنازن

****
سکینه لِنگ دِرازه، وا خِسوره مًسازه؟
ظرف مِشوره، چی مِشوره، بالا و پائین مِشوره
خُویِشِه ماخا عزیز کنه، غورَه نَخُورَدَ مویز کُنَه
آش مِپَزه وا پیاز، اسمشه مَلَ وَرکواز
وِ ما می یه، وِ دَرُ همسایَه می یه
خاک دِ سَرِش، خاک عالِم دِ سَرش
آشش نمک که نَرَه، سَرِش بَرَه دِ خَرَّه

****

اِلماسیا شی کِردَن، هَمَنِه بیچارَه
کِردن
شی کِردَن؟ هَمَنِه بیچارَه کِردن
شی کِردَن؟ هَمَنِه بیچارَه کِردن

اَ ای مُئن اَ او مُئن، اَ درُ و همسایَه مُوئن، اَ فامیلُ آشْنا موئن
چُو مِنازَن وِ خروار، هَمَنِه مَلَن سرِکار
دِ رو وِ رو خویی مُوئن دِ دُمِ سر چُو مِنازن
****
رقیَّه شی؟
رقیَّه حالش خِراوَه، دُعا کُ خیر نِیارَه
مُوقَ که واش حرف مِزِنیم، سَر‌ِشِ‌ مَلَه دِ دامو، سیل مُکُنَه وِ پامو
وِ دَس نِمیرَه جارو، پول مِشمُره وا پارو
یَنی صَدِشِه بَسَه، اَ اینو اَ او کِنِسَه

****
اِلماسیا شی کِردَن، هَمَنِه بیچارَه
کِردن
شی کِردَن؟ هَمَنِه بیچارَه کِردن
شی کِردَن؟ هَمَنِه بیچارَه کِردن

اَ ای مُئن اَ او مُئن، اَ درُ و همسایَه مُوئن، اَ فامیلُ آشْنا موئن
چُو مِنازَن وِ خروار، هَمَنِه مَلَن سرِکار
دِ رو وِ رو خویی مُوئن دِ دُمِ سر چُو مِنازن
****
صدیقَه شی؟
صدیقَه که خرفتَ، نِمینِم وِ کی رَفتَه، وِشِش مُویِم شلختَه، لُواش خیلی کلفته، حرفاش دُرو اُ مُفت
****
ملیحه شی؟
ملیحه مِثِ صدیقه، صدیقَه مِثِ سَکینَه، سکینَه مِثِ رقیَّه، رقیَّه مِثِِ ملیحَه،
هَمَشو یِه عیوی دارن، خُلُ چِلُ بی عارَن
****
اما یه حرفی نِنَمو ارثیه هَشته وِرَمو
دایِم وِ ما مُفتا چِنی، اَ او قَییما مُوئن چِنی

دِ مینه مَردِم خوارِش کُ، کُنجِ خِلا ماچِش کُ
دِ دُمِ سر هر چی ماخاین بوئین، بوئین، اما روله دِ رو وِ رو، وِشِش بوئین… دوسِت داریم، دوست داریم، دوست داریم، عاشقتیم یه عالَمَه، وِ ای خدای بالا سر هر چی بوئیم اَ عشقمو هَنی کَمَه
****
وا چِنی ترفنی، سرِ کارش بَلین
وِرَه آشِ بَعدی جاتو سِفتَه، کَلّین
**
هاره هاره روله جونِم عزیزِم
هِچِنی دِ زِنِئی بار اُوُردِم شمانِه
**
عجو عجو، نور وِ گورِش بَوارَه
گنجی هَشتَه وِرَتو
وا ای گنج نِنَتو، هَمیشه اِقوالِتو پرواره
****
اِلماسیا شی کِردَن، هَمَنِه بیچارَه
کِردن
شی کِردَن؟ هَمَنِه بیچارَه کِردن
شی کِردَن؟ هَمَنِه بیچارَه کِردن

اَ ای مُئن اَ او مُئن، اَ درُ و همسایَه مُوئن، اَ فامیلُ آشْنا موئن
چُو مِنازَن وِ خروار، هَمَنِه مَلَن سرِکار
دِ رو وِ رو خویی مُوئن دِ دُمِ سر چُو
مِنازن

شعر: محمد علی ناجی راد
دوم آذر ۱۴۰۱