میر حمزه طاهری هریکنده ای نوپا
🍃🌷🍃به پایگاه ادبی شعر پاک خوش آمدید 🍃🌷🍃
عیده نوروزه بوین (شعر مازندرانی تبری) …
ای دواره نــوبهــاره ، عیـد نــوروزه بـوین
بــورده دیروز و الانم کـاره امروزه بـوین
گل ویشار و رنگی رنگی با صفا هسه همن
با ونوشه سبزه زار و وقفه پیروزه بوین
کوه و صحرا ره چمر بیته اسا انه مه گوش
چکة ی افرا و سور و توت و آغوزه بوین
گل هدا شه تنه لا سبزه قوا و روسری
زرده نـوجه تیمه تال و خندة سوزه بوین
چلـه ره سـردی تمـوم و دل وا کنده ، بنه
گل کتک ره آشتی ی بیل و گروازه بوین
سفره وا بیه به نومه هفتا سین رج بهی
رقص ماهی زلف سبزه جشن نوروزه بوین
شاخه شاخه سر تی تی ، لتکا دله بیه قشنگ
وقته خشی ، ویشه و تاشه و دازه بوین
سنبل و نرگس جا ، بیه بهار ، روخنه لو
گـوله سر، گنگلی و پاپلی و مـازه بوین
بوی نعنا کیله سر ، دپیته اون دشته میون
تپه شه گـلامه تن ، همبازی و نازه بوین
خش خــور بیه هوا سر ، چلچلای نو بهار
پیر بهـوته این مثاله ، نکته و رازه بوین
طاهـری دارنه مــوارک ، امسال عیدی روز
تا به سالی زنده و شعر و ورق وازه بوین
ترجمه فارسی
باز سال جدید و نوروز آمده است و سال کهنه پایان یافت و سال جدید را آغاز می کنیم.
با وجود گلهای رنگارنگ دشت و صحرا باصفا و زیبا به نظر می رسد و زمین را سبزه سبز در بر گرفته است و سال پیروزی را آرزو می کنیم.
با وجود بهار کوه و صحرا تغییر کرده است و زیبایی های درختان دوچندان شده است.
زمین با پوشش گل ها و چمن زیبا شده است و جوانه های زرد و پژمرده سبز و زیبا شده اند.
فصل زمستون تمام شد و زمین آماده شده است و با بهار خاک زمین خود را برای کشت آماده کرده است.
سفره های هفت سین در منزل بر پا شده است و جشن نوروز شروع شده است.
در باغ درختان با شکوفه های زیبا بسیار دیدنی شده و با بهار از داس و تبر خبری نمی باشد.
گلهای نرگس و سنبل در کنار رودخانه ها جلوه خاصی بخشید و پروانه ها و زنبور و سنجاقک ها در باغ پرواز می کنند.
کنار جویبار ها در دشتها بوی نعنا به مشام می رسد و قطره شبنم روی گلها خودنمایی می کند.
چلچله بهاری خبر آمدن نوروز را می دهد و این رازی است که از قدیمی ها به جای مانده است.
طاهری سال جدید را به شما تبریک عرض می کند و تا به سالی دیگر شعر جدیدی در دفتر آماده کند.
شاعر: میر حمزه طاهری هریکنده ای نوپا
کاربرانی که این شعر را پسندیده اند (2):
کاربرانی که این شعر را خوانده اند (4):
بستن فرم