میر حمزه طاهری هریکنده ای نوپا
🍃🌷🍃به پایگاه ادبی شعر پاک خوش آمدید 🍃🌷🍃
| تاریخ عضویت: | ۱۴۰۰/۰۶/۱۷ |
| تعداد شعر: | 113 |
| تعداد مطالب: | |
| آخرین فعالیت | ۱۴۰۳/۰۲/۱۷ |
مازرون دل ته وسه تنگ بهیته …
مـــازرون دل ته وسه تنگ بهیته
مــــه دلـــــه للــــوای ونگ دپیته
خــوامبـه بـی ام افتـاب سو هنیشم
تــه گده کـوهـه روبـــــرو هنیشم
تره مـن دلـــه وس ویشــار بـوینم
کشـاورزونـه وقتــه کـــار بـوینم
بی ام ته دشت و صحراورهنیشم
تـه جنـگل سمت دریا ور هنیشم
شه دسه تن قلــم ره مـــر هـدامه
ته نومـه دفتر و شه شعــر هدامه
ته غم مه دله اینراسی چک هیته
ته درد ولایی راس راسی چک هیته
هنتـا تـه کیله ور نعناره خــوامبه
ته ویشه ور خجیره جاره خوامبه
ته دیمـه رنگ اون وقتـاره نمونه
ته منزل کو ؟ اون روزاره نمونه
ته ملــکه درسی ویــــلا بـــزونه
ته رنگی چـــادره تن ، لا بـزونه
تـره تـور و تـاشه ونـگ بکوشته
تره تش و گــلام رنـگ دکــوشته
ته دیم زرد و ته تنه هی تو گیرنه
دتــا چشـه نختی سـه خــو گیرنه
تــه سبزه روخنـه لــوره نــویمبه
ونـــوشه نــرگسه بــوره نــویمبه
ته چشمه بن زلال اوره چی بیه
لـمه تن اسبه کــوکــوره چی بیه
بهارما تی تی صحرا سو نکنده
ونوشه دشت و کو ور بو نکنده
گـو و گـوگـزای سرصدا دنیهه
گـــالشه ونگــــه و للــه وا دنیهه
چپــون چه گسفنه همــرا دنیهه
صحرا چه ونگه هی و ها دنیهه
بـرق بمـوهـه فنـر لمپا بمـــرده
گـو دنیهه کمـل کوفا بمــرده
اوی شهری بمو چلوره کورمی
پوس و رسن سر افتوره کورمی
کرک بمو ماشینی، ککلی بورده
سرپیشه کـرکـونه خلخلی بورده
شیر بمــو پاکتی دشـــون بمرده
تلمــه چمر و تکـــــون بمرده
اسفالت بیه ، قــدم نم نم بمرده
دیوار بمــــو پلــم و لــم بمرده
ویلا بمــو چاچــی سـره بمرده
ماشین بمــــو اسبه ناره بمرده
ازال و کچلــــه ورزا نـدارمی
تله مار و ونه گـوگــزا ندارمی
تلفـن بمـوهه ونگــه وا بمرده
اسفالت بمـوهه تیله را بمرده
تا اون کـــوی کشه خنه بزونه
چی تی مـازرونه بنــه بــزونه
آبادی ره نخـوامبه انـه اینجور
مـازرونه سامونه کنـده نـاجور
تـه لتکـا ره دواره دار کشمبه
ته ور ای پچیم و نفـار کشمبه
ته کــاکــله کـــلاره دس کشمبه
ته ذلفه سبزه روره مس کشمبه
هیچ جا مازرونه واری نویمبه
ونـه مـردم ره بیکاری نویمبه
وه نـومه آرشه شه سینه دارنه
وه آداب و رسوم دیرینه دارنه
بئین دشت و دیاره خار هکنیم
شه ملک و سامونه بازار نکنیم
دعا لب شه خداره ونگه وامه
تیم دکاشته بنه ره چش برامه
طاهری شعر بساز شه مازرونه
وه ملکه خجیره امه ایرونه
***
شاعر: میر حمزه طاهری هریکنده ای نوپا
کاربرانی که این شعر را پسندیده اند (1):
کاربرانی که این شعر را خوانده اند (3):
علی معصومی در سر منشاء دیوانگی
سلام اقا سیاوش قبلا هم با حنابعالی در این وادی سخن رفته بود. جنابعالی متاسفاته با سوالاتی
معصومه بیرانوند در درد دارد مست باشی بی می و…
سلام و سپاس مجدد
طارق خراسانی در درد دارد مست باشی بی می و…
سلام مجدد خیلی خوشحالم که هستی ، سلامتی و در کنار خانواده به فضل الهی
معصومه بیرانوند در درد دارد مست باشی بی می و…
سلام و عرض ادب این شعر شاید تاریخ سرودنش به ده سال قبل برمی گرده اولآ
طارق خراسانی در درد دارد مست باشی بی می و…
سلام رابعه دوم دختر شاعرم اولا : در تعجبم چرا تا به امروز این شعر را
بستن فرم