میر حمزه طاهری هریکنده ای نوپا
![میر حمزه طاهری هریکنده ای نوپا](https://sherepaak.com/wp-content/uploads/2021/09/nopa.jpg)
🍃🌷🍃به پایگاه ادبی شعر پاک خوش آمدید 🍃🌷🍃
ملمو جان (شعر مازندرانی تبری) …
(خاطراتی از ایام دور تقدیم به ملا عموی مکتب خانه ما)
قـدیـم و خـله سالـه ، ملمو جان
دل ور گـپ و حــاله ، ملمو جان
ته خـاطـر هنتا بیشاره مه سرتن
یـاد هکـردن محـاله ، ملمو جان
امه جـوز، تکـه پیش و مـلاخنه
همش ماسی مه باله ، ملمو جان
دســا لینگـه فلک ره یـاد نکمبه
اموهه شونگ و ناله ، ملمو جان
نشونه یاد ته جایزه ، کـه داهی
آغـوز و پـرتقــالـه ، ملمو جان
هجی کردی جواب دامه ته همکت
الف لام ، دال و ذاله ، ملمو جان
خدایی خله درد داشته هلی شیش
دس و لینگ پزغاله ، ملمو جان
خشــالی بـاریکـلا مــزه داشته
جواب دامه سئواله ، ملمو جان
اسا مــدرسه دکـل تـرس دنیـهه
فلک نا ،عشق وحاله ، ملمو جان
کجـه بوردی ملمـوجـان بـوینی
کلاس و قیل و قاله ، ملمو جان
ته زحمت ره طاهری شعر بساته
اسـا چنده خشالــه ، ملمو جان
***
میر حمزه طاهری هریکنده ای نوپا
کاربرانی که این شعر را پسندیده اند (3):
کاربرانی که این شعر را خوانده اند (9):
دی 21, 1400
سلام و درود
شمه خنابدون ❤️🙏
پاسخ
بستن فرم